Қазан айының үздік ойыншылары

Хоккейден Қазақстан жастар чемпионатындағы екінші ойын айын қорытындылайық.

Үздік қақпашы – Вадим Грохотов («Торпедо»)

Грохотов – өскемендік ұжымды турнир кестесінде бірінші орында ұстап тұрғандардың бірі. Өткен айда Вадим орта есеппен 1,2 шайба өткізіп, бес матчтың бесеуінде (олардың біреуі – құрғақ) жеңіске жетті. Бұл ретте ол 131 соққының 125-іне тойтарыс берді (95,42%).

Үздік қорғаушы – Галиаскар Аипов («Арлан»)

Аипов қазан айында қорғаушы үшін керемет нәтиже көрсетті: чемпионат басталысымен әрбір матчта ұпай жинап отырды. Өткен айдың 6 ойынында Галиаскар +15 пайдалылық көрсеткішімен 15 (3+12) ұпай жинады. Оның үш голын бір матчта салды, ал кездесулердің бірінщі қорғаушы командаластарына төрт рет пас берді.

Үздік шабуылшы – Егор Левковец («Барыс»)

Елордалық ұжымның форварды қазан айын «әр матчта екі балдан» кестесімен өткізді. 12 ойында ол +15 пайдалылық көрсеткішімен 24 (9+15) ұпай жинады. Егордың есебінде хет-трик, екі дубль бар, кездесулердің бірінде Левковец өз командасының сегіз нәтижелі шабуылына қатысты.

ВКонтакте, Инстаграм < Бізге қосылып, Jas Hokei Ligasy жаңалықтарын өзіңізге ыңғайлы платформалардан оқыңыз.