Jastar Ligasy-ның аралық қорытындысы

Қазақстан жастар чемпионатының басталғанына бір айдан астам уақыт болды. Турнирде шағын үзіліс орнаған сәтте біз аралық қорытынды жасайық.

Бүгінгі таңда лиганың көшбасшысы – «Торпедо». Өскемендіктер 12 матчтың 11-інде жеңіске жетіп, 33 балл жинады. Владимир Беляевтің командасы әзірге чемпионаттың ең нәтижелі ұжымы болып отыр (76 шайба салынды). Кезекті ойын кезеңіне жас «торпедолықтар» сегіз матчқа созылған жеңістер сериямен аяқ басқалы отыр.

Екінші орында елордалық «Барыс» келе жатыр (12 ойынның нәтижесінде 31 балл жинады). Олег Шулаевтың командасы да бір ғана кездесуде жеңіліп, өте нәтижелі ойын көрсетті (75 шайба).

Көшбасшылар үштігін турнирдің дебютанты – оралдық команда тұйықтайды. Дәл осы «Ястребы» (14 ойыннан кейін 30 ұпай) «Торпедо» мен «Барысты» бір-бір реттен жеңіліске ұшыратты, сондықтан команда бірінші ойыннан-ақ ағымдағы чемпионаттағы өз екпінін көрсетіп келеді.

"Мұнайшы" әзірге турнир кестесінің соңында тұр. Павлодарлықтар 12 матчтың 3-еуін жеңіп, әзірге 8 балл ғана жинап үлгерді.

"Торпедо" мен "Барыс" лиганың барлық командалары арасында қорғаныста ең жақсы ойынды көрсетуде. Олар небәрі 29 шайба өткізді.

«Ястребы» командасының шабуылшысы Валерий Ницевич қазіргі таңда чемпионаттың ең нәтижелі ойыншысы болып отыр. Оның қоржынында 29 (14+15) ұпай бар. Матчтардың бірінде «покер» жасады. Сонымен қатар оның есебінде бір хет-трик пен бес балл жинаған төрт кездесу бар.

Қазіргі сәтте лиганың үздік сұр мергені – «Торпедоның» өкілі Диас Тютюньков, ол қарсы қақпаларға 16 рет гол салды. Мұның ішінде үш хет-трик те кіреді.

Барыстық Алдияр Нұрлан – қазіргі таңда чемпионаттың үздік ассистенті. Лига басталғалы бері ол 19 нәтижелі пас берді. Матчтардың бірінде ол өз командаластарына бес рет пас берді.