Қазақстан жастар чемпионатындағы желтоқсан айының қорытындысы

1xBet Jastar Hokei Ligasy-ндағы төртінші айды қорытындылайық.

Чемпионат көшбасшысы «Жас Батыр» желтоқсан айында сегіз матчтың сегізін де жеңіп, өзінің көшбасшылығын нығайтты. Атыраулықтар ықтималды 60 ұпайдың 58-ін жинап, Лигада 200 шайбалық межеден (203) алғаш болып өтті.

Қазіргі ел чемпионы «Барыс» бүгінгі таңда 30 матчтың 24-інде жеңіске жетті (51 балл). Өткен айда елордалық ұжым сегіз матчтың жетеуінде жеңіске жетті.

Үздіктер үштігін ізін қуып келе жатқан «Торпедо» (43 балл), «Ястребы» (42 балл) және «Ақтөбе» (42 балл) командаларынан сәл ілгерілеген «Астана» (44 балл) тұйықтайды. Мұндай тығыздық жанкүйерлерге тұрақты чемпионаттың соңында қызықты тартыстар сыйлайды, себебі әрбір ұжым плей-оффты өз алаңынан бастағысы келетіні анық. Айтқандай, «Жас батыр» мен «Барыс» кубоктік кезеңнен өздеріне кепілді орындарын алып қойды.

Әзірге плей-офф аймағынан «Алматы», «Арлан», «Мұнайшы» және «Горняк» тыс қалып отыр. Сегізінші қатардан екі және алты ұпайға артта қалып келе жатқан алматылықтар мен көкшетаулықтар маусымның басты кезеңінен әлі де үміт үзбек емес. Ал павлодарлықтар мен рудныйлықтар тұрақты чемпионат қорытындысы бойынша маусымды аяқтамау үшін тоқтамастан жеңіске жетуі қажет. Өткен айдың ең ірі жеңісі 19 желтоқсан күні тіркелді. Елордада «Барыс» «Құлагерді» 13:2 есебімен ойсырата жеңді. Осы ойын желтоқсанның ең нәтижелі ойыны атанды.

ВКонтакте, Инстаграм < Бізге қосылып, Jas Hokei Ligasy жаңалықтарын өзіңізге ыңғайлы платформалардан оқыңыз.